Qırğızıstan Prezidenti Almazbek Atambayev “Azərbaycanda səfirliyin təsis olunması haqqında” sərəncam imzalayıb.

Kanal24.az xəbər verir ki, sərəncama görə, Azərbaycan ilə əldə olunan razılaşmaya uyğun olaraq, eləcə də Qırğızıstanın Azərbaycan ilə gələcək siyasi, ticari-iqtisadi və mədəni-humanitar əlaqələrinin təmin olunması məqsədilə Azərbaycanda Qırğızıstan səfirliyi açılır.

Qırğızıstan rəhbərinin sərəncamı cümə günü Prezidentin saytında yerləşdirilib.