isaznow.com
Az Iw En Ru

“İslam Dövləti” futbol üzrə beynəlxalq çempionat keçirəcək

"İslam Dövləti” (İŞİD) terror təşkilatının silahlıları Liviyada ekstremist hərəkat nümayəndələri arasında beynəlxalq futbol turniri keçirməyi planlaşdırırlar.

Kanal24.az RT-yə istinadla verdiyi xəbərə görə, çempionat Aralıq dənizi sahilində - terrorçuların nəzarəti altında olan Derna şəhərində baş tutacaq.

“Ekstremist liqası” oyunlarında iştirak etmək təkfirçilərə - müxtəlif ölkələrdə vuruşan radikallara təklif edilir.

Futbol oyunlarında Liviyadan olan ekstremistlərdən başqa, Əfqanıstan, Misir, İraq və Suriyadan olan terrorçuların da iştirak edəcəyi gözlənilir.

Turnir iştirakçıları özlərinin şəriət qanunlarına "zidd olmayan" qaydaları ilə futbol oynayacaqlar.

Qeyd edək ki, çempionat radikal təbliğatın irəliləməsinə və gənclərin ekstremistlərin sıralarına cəlb edilməsinə yönəldilib.

“İslam Dövləti”, hətta turnirin tərkibinə Təşkilat tərəfdarına çevrilən keçmiş idmançıların daxil olunduğu Təşkilat Komitəsini təsis edib.

 


02:27 16.10.2014