

Sumqayıtda “Karvan” ticarət mərkəzində yanğın başlayıb.
Kanal24.az APA-ya istinadən xəbər verir ki, hadisə yerinə FHN Dövlət Yanğından Mühafizə Xidmətinin Sumqayıt hissəsinin 7 yanğınsöndürən maşını və canlı qüvvəsi cəlb edilib. Hazırda yanğının söndürülməsi və yayılmasının qarşısının alınması üçün tədbirlər görülür.
FHN Xüsusi Riskli Xilaetmə Xidmətinin xilaediciləri ərazidə təhlükəsizlik tədbirləri görürlər.
Əlavə məlumat veriləcək.
***
Hadisə şahidlərinin verdiyi məlumata görə, yanğın binanın aşağı hissəsində yerləşən "Garda" və "Ustop" mağazalarında başlayıb və 4-cü mərtəbəyədək yüksəlib.
***
Kanal24-ün hadisə yerində olan əməkdaşının məlumatına görə, ticarət mərkəzində yerləşən səyyar satış obyektində yanğın baş verib. Ticarət mərkəzinə ciddi ziyan dəyməyib. Hal-hazırda yanğın söndürülür.
***
Hazırda ərazidə 7 yanğınsöndürən maşın və canlı briqada alovları ram etməyə çalışır.
Qeyd edək ki, ötən ilin oktyabr ayında da eyni ticarət mərkəzində yanğın baş vermişdi.