Kənd Təsərrüfatı Nazirliyi yanında Dövlət Baytarlıq Nəzarəti Xidməti (DBNX) “quş qripi” xəstəliyinin Azərbaycana köçəri quşlarla keçmə ehtimalını hər zaman diqqət mərkəzində saxlayır və ardıcıl olaraq monitorinqlər aparır. 

Kanal24.az-ın məlumatına görə, DBNX-nin mətbuat mərkəzindən AzərTAc-a bildiriblər ki, quşların miqrasiyası nəzərə alınaraq növbəti monitorinqin noyabrın 17-də keçirilməsi nəzərdə tutulub.

Hazırda “quş qripi” xəstəliyinə və digər kəskin yoluxucu xəstəliklərə görə respublikamızda epizootik vəziyyət sabitdir.