Sabirabad Rayon İcra Hakimiyyəti təşkilatçılığı ilə rayon Mədəniyyət Mərkəzində Ümummilli
Lider Heydər Əliyevin anadan olmasının 100 illik yubileyinə həsr olunmuş "Heydər Əliyev və
Azərbaycanda ordu quruculuğu” mövzusunda konfrans keçirilib.
Konfransdan öncə Sabirabad Rayon İcra Hakimiyyətinin başçısı Siraqəddin Cabbarov, hüquq-
mühafizə orqanlarının, idarə, müəssisə və təşkilatların rəhbərləri, şəhid ailələrin üzvləri, qazilər,
ictimaiyyətin və gənclərin nümayəndələri mərkəzi meydanada ucalan Ulu Öndər Heydər Əliyevin
abidəsi ziyarət edilib, önünə tər gül dəstələri düzülüb.
Tədbirin əvvəlində Ümummilli Lider Heydər Əliyevin və respublikamızın ərazi bütövlüyü
uğrunda canlarını fəda etmiş Vətən övladlarının əziz xatirəsi bir dəqiqəlik sükutla yad edilib,
Azərbaycanın Dövlət Himni səsləndirilib.
Sabirabad Rayon İcra Hakimiyyətinin başçısı Siraqəddin Cabbarov və digər natiqlər çıxış
edərək müstəqilliyimizin və ərazi bütövlüyümüzün etibarlı qarantı olan bugünkü güclü Azərbaycan
Ordusunun xalqımızın Ümummilli Lideri Heydər Əliyevin şah əsərlərindən biri olduğunu bildirib, Ulu
Öndərin Milli Ordu quruculuğu istiqamətində həyata keçirdiyi böyük işlərdən söz açıblar.
Konfransda Ulu Öndər Heydər Əliyevin ordu quruculuğu istiqamətində açdığı yolun
Azərbaycan Respublikasının Prezidenti, Müzəffər Ali Baş Komandan İlham Əliyev tərəfindən uğurla
davam etdirilməsindən, bu gün Azərbaycan Silahlı Qüvvələri dünyanın ən güclü orduları ilə bir cərgədə
olmasından, 44 günlük Vətən Müharibəsində Azərbaycan ordusunun göstərdiyi rəşadətdən, qazanılan
tarixi zəfərdən də bəhs edilib.
Konfrans Sabirabad rayon Mədəniyyət Mərkəzinin əməkdaşları və Sabirabad şəhər Ü.Hacıbəyli
adına Uşaq Musiqi Məktəbinin müəllim və şagird heyətinin vətənpərvərlik mövzusunda hazırladığı
konsert proqramı ilə davam edib.